Sircilla street vendors avails P. M. Aathma Nirbhar fund.

గౌరవనీయులైన భారత దేశ ప్రధాని శ్రీ నరేంద్ర మోడీ గారు స్ట్రీట్ వెండర్స్ కోసం జూన్ 1వ తేది 2020 రోజున ప్రారంభించబడిన పి ఎం ఆత్మ నిర్భర నిధి (స్వానిధి) పథకం కింద దరఖాస్తు చేసుకున్న వారికీ లబ్ది చేకూర్చడం లో సిరిసిల్ల మునిసిపాలిటి జాతీయ స్థాయిలో లక్ష లోపు జనాభా గల 3555 పట్టణాలకు గాను సిరిసిల్ల మునిసిపాలిటీలలో మొదటి స్థానం లో నిలవడం జరిగింది. ఈ సందర్భంగా మునిసిపల్ కమీషనర్ మరియు పి డి మెప్మా సమ్మయ్య గారు మాట్లాడుతూ పట్టణం లోని పూర్తి జనాభా లో 5శాతం స్ట్రీట్ వెండర్స్ కు ఈ పథకం కింద లబ్ది చేకూర్చేలనే లక్ష్యం తో సిరిసిల్ల పట్టణం లోని 6680 స్ట్రీట్ వెండర్స్ లను గుర్తించి వారికీ గుర్తింపు కార్డులను మంజూరు చేయడం జరిగింది వీరిలో 5935 మంది పి ఎం ఆత్మ నిర్భర నిధి కింద లోన్స్ కి దరఖాస్తు చేశారు వీరిలో ఇప్పటివరకు 4968 మందికి 10,000/- రూ. లు వారి బ్యాంకు ఖాతాలో జమ చేయబడినది అని తెలియజేయడం జరిగింది.ఈ యొక్క లక్ష్యాన్ని చేరడానికి మెప్మా అర్ పి లు ,కమ్యూనిటీ ఆర్గనైజర్ లు మరియు వార్డ్ ఆఫీసర్స్ తో స్ట్రీట్ వెండర్స్ ను గుర్తించటం ,ఆన్లైన్ లో నమోదు చేయడం , అర్హులకు లోన్స్ మంజూరు చేయటం కోసం స్పెషల్ టీం లను ఏర్పాటు చేయడం జరిగింది అని తెలిపారు. దీనికి కృషి చేసినటువంటి అర్ పి లకు, మెప్మా సిబ్బందికి మరియు మునిసిపల్ కార్యాలయ సిబ్బందికి ఈ సందర్భంగా కృతజ్ఞతలు తెలియజేసారు

రైతులను మోసం చేస్తే కఠిన చర్యలు -జిల్లా ఎస్పీ శ్రీ రాహుల్ హెగ్డే IPS గారు

నాణ్యత లాంటి సాకులతో తుకంలో మోసాలకు పాల్పడితే కేసులు నమోదు చేస్తాం
రైస్ మిల్లులు, కొనుగోలు కేంద్రాలు తనిఖీ చేయడానికి సంబంధిత అధికారులతో టాస్క్ ఫోర్స్ బృధాలు ఏర్పాటు

జిల్లా ఎస్పీ శ్రీ రాహుల్ హెగ్డే IPS గారు

ఈ రోజు జిల్లా పోలీస్ కార్యాలయంలో సంబంధిత అధికారులతో సమీక్ష సమావేశం నిర్వహించారు
గత కొద్ది రోజులుగా నాణ్యత సరిగా లేదని, ధాన్యంలో తేమ శాతం అధికంగా ఉన్నదని, తాలు, మట్టి ఎక్కువ ఉన్నదని రైతులు తీసుకువస్తున్న ధాన్యానికి మద్దతు ధర చెల్లించకుండా క్వింటాలుకు మూడు నుండి నాలుగు కిలోలను తగ్గిస్తున్నట్లుగా రైతుల వద్ద నుండి పెద్ద సంఖ్యలో ఫిర్యాదులు వస్తున్నాయని ఆయన తెలిపారు. రైతులు తీసుకువచ్చిన ధాన్యం నాణ్యత లేకపోతే సంబంధిత వ్యవసాయ శాఖ అధికారులు ధాన్యాన్ని పరిశీలించిన తర్వాత నిర్ణయించిన విధంగా ధర చెల్లించాలని తెలిపారు. అలా కాకుండా నాణ్యత, మాయిశ్చర్, తాలు సాకుగా క్వింటాలుకు కొన్ని కిలోలను తగ్గింపు లాంటి చర్యలకు పాల్పడితే కేసులు నమోదు చేయడంతో పాటు సంబందిత మిల్లులను సీజ్ చేస్తామని హెచ్చరించారు.
సంబంధిత అధికారులతో టాస్క్ ఫోర్స్ బృధాలు ఏర్పాటు
జిల్లాలో ధాన్యం కొనుగోలు కేంద్రాల వద్ద రైతులకు ఎలాంటి ఇబ్బందులు తలెత్తకుండా, రైతాంగం మోస పోకుండా ఉందడం లక్ష్యంగా పోలీస్, రెవిన్యూ, వ్యవసాయ, మార్కెటింగ్, తూనికలు, కొలతల శాఖల సంయుక్త ఆధ్వర్యంలో డిఎస్పీ రవికుమార్ ఇంచార్జ్ గా సిరిసిల్ల సబ్ డివిసన్ మరియు వేములవాడ సబ్ డివిసన్ లలో రెండు టీమ్స్ ఏర్పాటు చేసిన టాస్క్ ఫోర్స్ బృందాలు క్రమం తప్పకుండా తనిఖీలు నిర్వహిస్తాయని జిల్లా ఎస్పీ గారు చెప్పారు.
ఎక్కడ ఎలాంటి అవకతవకలు జరిగినా, రైతాంగానికి అన్యాయం జరిగేలా వ్యవహరించినా చర్యలు తప్పవని హెచ్చరించారు.జిల్లా వ్యాప్తంగా ధాన్యం కొనుగోలు కేంద్రాలలో అవకతవకలు జరిగినా, మోసం చేసేందుకు ప్రయతించినా, తూకం, మాయిశ్చర్ విషయంలో అడ్డగోలుగా వ్యవహరించినా రైతులు నేరుగా డయల్ 100కు కానీ6303 922572కు వాట్స్ అప్, ఎస్.ఎం.ఎస్. ద్వారా లేదా 7901124613 కు సమాచారం ఇవ్వాలని ఆయన రైతులను కోరారు. సమాచారం వచ్చిన వెంటనే స్పందించి అందుకు అనుగుణంగా చర్యలు తీసుకుంటామని, రైతాంగానికి జిల్లా యంత్రాంగం, పోలీస్ శాఖ అండగా నిలుస్తుందని జిల్లా ఎస్పీ గారు తెలిపారు..

ఈ సమావేశంలో డిఎస్పీ చంద్రశేఖర్ గారు,రవికుమార్ గారు,DRDO -కౌటిల్య గారు,DAO -రణధీర్ రెడ్డి,Civil Supply Officer – జితేందర్ రెడ్డి,
DCO – బుద్ధనాయుడు,Legal Metrology Officer – రవీందర్,స్పెషల్ బ్రాంచ్ సి.ఐ సర్వర్ గారు పాల్గొన్నారు…